ORANJESTAD (AAN): Diasabra Aruba Heart Foundation a tene nan Simposio "Bo Curason Den Tempo di Covid".
E evento aki tabata completamente sold out y a tuma lugar den e precioso Boulevard Events Aruba, na Schotlandstraat.
Despues cu durante hopi aña Aruba Heart Foundation a celebra varios "World Heart Days", participa y tene varios Health Drives, organiza diferente Simposio y Red Events, e aña aki a disidi di bin cu e Simposio "Bo Curason Den Tempo di Covid".
Durante e Simposio aki drs. M. Cobos a papia riba: "E Curason Inflama", mientras drs. Q. Kolff riba "E Curason y Covid".
Despues di varios pregunta y contestanan, a sigui un Coffee Break y drs. R. Rellum a elabora riba "Malesanan Reumatico y e Curason", mientras drs. R. Kock a discuti ariba "Malesanan di Riñon y Curason".
Seguientemente tabatin otro momento pa pregunta y contestanan mientras tur presente a haya un "Healthy Lunch Box", prepara pa Healthy Way Aruba. drs. Q. Kolff a sigui cu e topico di "Vacuna y e Curason". y pa clausura Sr. G. Rodriguez a toca e tema di "Estilo di Bida y Prevencion".
Tabata un programa sumamente interesante y Aruba Heart Foundation pa medio di e Relato di Prensa aki, kier a gradici un biaha mas e Compania Servier, pa nan cooperacion y Benu Caribbean pa a regala 2 door-prizes pa e evento aki.
