ORANJESTAD (AAN): Recientemente na ciudad di Brasilia na Brasil a tuma lugar e di 18 sesion di IOCARIBE,
cu ta forma parti di Unesco su Intergovernmental Oceanographic Commission.
Ex-Ministro Ursell Arends a wordo invita pa ta e orador principal di e apertura di e ‘Technical Science Meeting’, y el a papia riba e topico “A warming ocean in the Caribbean region”.
Arends a indica cu tabata un honor pa ricibi un invitacion di IOCARIBE pa duna e keynote na apertura di e Technical Science Session riba e tema di "A Warming Ocean in the Tropical Americas and Caribbean Region" y esaki tabata net dia 22 di April 2025, dia di Mama Tera.
E ex-Ministro ta agradecido pa e oportunidad pa comparti e pasonan historico di Aruba den proceso pa reconoce Derecho di Naturalesa den nos constitucion. Iniciativa cu mester continuacion y boluntad politico pa prepara Aruba ariba e triple crisis planetario: polucion, cambio climatico, y perdida di biodiversidad.
