Democracia a permiti pa Pueblo a vota na 2013 pa paga debe awe
*E lucha di ta heredero di un barco destrui pa engaño politico
* E posibel aanwijzing di 2022 a nace den e aanwijzing di 2014
ORANJESTAD(AAN)- Na 2017 Evelyn Wever-Croes mester a tuma un decision cu sin duda a bira uno di mas importancia den su bida pero sigur di importancia mayor pa Aruba.
Despues di eleccion 2017, Mike Eman a dicidi cu e no ta goberna un pais den estado di bancarota y a desaparece for di panorama aunke el a gana eleccion cu un diferencia minimo.
Si Evelyn Wever-Croes no a acepta pa forma Gobierno, segun regla Aruba lo a drenta un temporada di formacion dificil, cu lo a empeora e situacion desastroso den cual Aruba tabata for di 2014 ora Hulanda a drenta y a baha Mike Eman for di Fort Zoutman y bisa ta basta.
Awe “aanwijzing” ta e palabra den mundo politico di Aruba, cu como pais democratico mester mantene bon bista riba su decisionnan pasobra no mester lubida cu na Aruba a keda proba con politico por ciega Pueblo pa asina politica destrui e pais.
Aanwijzing 2014 enfrente posibel Aanijwing 2022 ta motibo di nos analisis di awe.
Pakico tabata tin “aanwijzing” na 2014 y pakico e “aanwijzing 2014” tabata tin 90 porciento chens di bira un aanwijzing na 2022?
Pa analisa algo, mester comprende kico e palabranan cu politiconan ta uza, ta nifica.
Un “aanwijzing” ta un oportunidad cu Statuut ta entrega Hulanda pa kibra un decision financiero di un pais. Reino por exigi un gobernante, na interes di e pais, haci loke Reino kier pa e haci cu placa di Pueblo.
“Aanwijzing” a scapa Aruba na 2014 den e catastrofe financiero cu a wordo crea dor di Gobierno Mike Eman, cu a entrega prueba na historia kico ta pasa si ciega e Pueblo cu mester vota na urna electoral.
Mike Eman a ciega Aruba cu su brasa y sunchi y su maneho cu tabata basa riba abuso di e principio democratico cu su partido cu e tempo mayoria den Parlamento, a permiti pa e comete contra Aruba.
“Paga debe orguyosamente” tabata e bofon politico mas grandi den historia di Aruba, cu awe ta haci loke Pueblo mes a dicidi cu lo pasa na urna electoral na 2013.
Si e barco yama Aruba a zink, a bay bancarota manera na 2020 Hulanda a bisa oficialmente, ta pasobra Mike Eman a logra ciega Pueblo di Aruba na 2013 ora pa mala suerte di Aruba, Mike Eman a logra e mayoria di voto den Parlamento como su sosten pa crea debe pa futuro.
Esaki tabata decision di Pueblo cu na 2014 a topa cu “aanwijzing” di Hulanda, cu a exigi pa Mike Eman atende cu cifranan di Aruba cu responsabilidad.
Hulanda a baha Mike Eman for di Fort Zoutman, cu tabata e humiliacion politico mas grandi den Reino pero tambe inicio di e desastre mas grandi pa Aruba, cu a base di democracia, na urna electoral a dicidi cu awe Aruba mester paga debe.
Na 2017, e Gobierno cu Evelyn Wever-Croes mester a dirigi a acepta pa dirigi e barco Aruba, cu Gobierno Mike Eman a destrui.
For di 2017 e encargo di Evelyn Wever-Croes a keda, pa mira con ta evita cu Aruba ta zink completamente, pasobra Mike Eman a laga Aruba destrui den e barancanan di e pio maneho financiero cu Aruba a conoce.
Democracia semper ta triunfa y ta cumpli cu e deseo di Pueblo, cu na man di Mike Eman a dicidi cu ta haci debe pa paga despues.
E despues ta awe, cu pandemia a wordo sigui pa e Guera di Ukraine.
Democracia ta basa riba husticia cu ta nifica cu cada persona ta haya loke e ta desea.
Evelyn Wever-Croes a haya loke e mester a desea na 2017 ora Mike Eman a desparce cu un Aruba den agonia cu ta un barco destrui cu yama Aruba.
For di 2017, Evelyn Wever-Croes mester a coregi e desastre financiero cu el a hereda pero tambe dirigi Aruba den un Pandemia y loke awe ta un guera mundial.
Awor pakico na 2014 durante Mike Eman, Aruba a haya un aanwijzing y pio ainda supervision te awe y pakico na 2022 un situacion financiero dificil di Aruba, por bira aanwijzing?
Pasobra Gobierno ta continuacion y deseo di Pueblo.
Pasobra Pueblo a dicidi na 2013 hunto cu Mike Eman cu e ta paga debe “despues”, cu ta awe.
Pasobra e decision di Pueblo di 2013, a entrega na 2017 na Evelyn Wever-Croes e mando riba un barco cu ta zink den e horcan provoca pa Mike Eman, cu a inspira Pueblo di Aruba pa paga na 2022 tur e debe cu el a laga atras!
