ORANJESTAD (AAN) – Esu Ho, representante di e team di 'Pay.aw Setar NV', a splica tocante e sistema aki, relaciona cu e lanzamento di e campaña di Kiwanis Club of Palm Beach.
“Nos di Pay.aw tambe kier a aporta na un bon causa, y pa e motibo aki nos a bisa pa ban yuda duna 5 florin pa cada mucha. Pay.aw, aworaki ta un metodo hopi facil pa uza, specialmente awo cu nos no tin ningun limite, kiermen Pay.aw ta habri pa full Aruba.
Nos kier pa tur nos usuarionan di Pay.aw bay den nos app, click e P, pa nan por yena e number di Kiwanis cu ta 0154102, of por scanner e code cu bo ta haya na e diferente social media y haci e donacion.
Pone 5 florin of mas y skirbi den e nota ‘5 for kids’. Asina aki Aruba ban aporta”.
