ORANJESTAD (AAN): Recientemente personal di Piscina Olympico Savaneta a dicidi na sinta na mesa cu computers den un sala di educacion, pa asina haya sa con nan por beneficia y implementa e famoso sistema di ‘Odoo’.
Na Aruba, e compania VCC International ta maneha Odoo y ta duna training tambe. E docente tabata Jerney Rebin, y el a splica cu Odoo ta un software cu ta actua como un solo plataforma ‘Enterprise Resource Planning’ (ERP) cu ta consolida tur e sistema principal di operacion di e lugar den un solo sistema conecta. E ta elimina e uzo di diferente programa y aplicacion pa diferente departamento, door di centraliza e data.
Odoo ta yuda compania y organizacionnan maneha, automatiza, y sigui crece nan workflow door di un sistema hancho di aplicacionnan modular.
Cu Odoo bo por haci trabao di Benta y Contacto di Cliente (CRM) na un forma nunca antes bisto. E ta yuda cu Accounting y Finance, cu bo Operacion y Supply Chain, y tambe Human Resources, pues ta maneha tur cos di empleado, payroll, check kende ta ausente, etc.
