Luis Chong di GKMB:
ORANJESTAD (AAN): Luis Chong di Gele Koorts Muskieten Bestrijding (GKMB) a conseha tur hende cu ta colecta awa di yobida, por ehempel, den un bari, pa uza e awa aki mas pronto posibel y tene e bari limpi.
A yega di topa casnan caminda tin barinan cu awa di yobida cu ta di luna di december. Esaki sigur ta bira un criadero pa sangura.
Tin hende cu kier warda e awa pa ora tin temporada di secura pa bay uz'e. Pero e ora mester purba tapa e bari na un manera cu sangura no ta yega eyden door di un sefta, un paña, pero no un palo pasobra sangura toch ta pasa door di dje, a splica. Mester controla e awa aki regularmente. Tin productonan cu por cumpra na e companianan di pest control of na e luganan cu ta bende mata y tira nan den awa y esaki ta wanta pa mas o menos un periodo di un luna.
Segun Chong, si awor na april ainda ta haya barinan cu awa para for di december, mester alomenos un bes pa luna controla e awa pa elimina e sanguranan.
