ORANJESTAD (AAN): Eric van der Burg (VVD), oficialmente a huramenta dialuna 23 di februari como secretario di estado di Ministerio di Asuntonan Interno y Relacionnan di Reino.
Cu su nombramento, e ta asumi un funcion di hopi importancia pa e relacionnan dentro di Reino Hulandes.
Den su cargo nobo, e lo ta responsabel, entre otro, pa Relacionnan di Reino, loke ta implica coordinacion y cooperacion entre Hulanda y e paisnan di Reino den Caribe: Aruba, Curaçao y Sint Maarten y tambe e islanan BES, Bonaire, Sint Eustasius y Saba.
E rol di secretario di estado ta esencial pa garantisa cooperacion y facilita decisionnan cu ta wordo tuma na Hulanda. Su liderazgo lo ta decisivo pa fortalece e lasonan mutuo y enfrenta reto comun den Reino cu determinacion y responsabilidad.
