ORANJESTAD (AAN): Manera tur hende por a nota on e prijs di crudo a bolbe subi, e.o.
Diamars mes prijs di crudo WTI ta na $89 pa bari, crudo Brent ta na $95 pa bari, y consecuentemente prijs di productonan rafina tambe a subi.
Pesey mes, Minister di Asuntonan Economico, Comunicacion y Desaroyo Sostenibel ta anuncia e prijsnan nobo di benta di combustibel entrante 9 di november 2022.
Gasoline unleaded-premium ta subi cu 14,2 cent, pa wordo bendi awor na 269,1 cent pa liter.
Diesel ta subi cu 25,4 cent, pa wordo bendi awor na 248,8 cent pa liter.
Kerosine ta subi cu 16,6 cent, pa wordo bendi na 256,7 cent pa liter.
Si tira bista, na otro islanan den Caribe tambe prijs di gasolin a subi. Diaranson siman pasa, na Jamaica mes a conoce subida di prijs pa gasolin, y Diesel tambe a conoce un subida astronomico. Prijs di gasolin a bay halto tambe na Puerto Rico, y Panama.
