Parlamentario Jennifer Arends-Reyes
ORANJESTAD (AAN): Segun Parlamentario Arends-Reyes kende recientemente a haci un bishita na Impact Hub Aruba cu ta promove ‘social entepreneurship’ a keda impresiona cu e ideanan y proyectonan cu por trece dilanti pa comunidad di Aruba den cooperacion cu sector priva y sector publico.
E organisacion Impact Hub cu a cuminsa ta activo na aña 2022 na Aruba y nan a bin ta creciendo bou di empresarionan chikito y mediano.
E interesante di nan meta ta cu na final di dia nan kier coopera pa yuda otro bay dilanti pero alavez tambe kier contribui den yuda cu problematicanan den comunidad manera job training, coaching y tambe wak con por desaroya talento.
Esaki ta un punto valioso pa e mobilidad social di nos comunidad. Lo mester explora wak pa iniciativanan asina continua y haya apoyo.
Gradiciendo Sra Mary-Ann Falconi- Rasmijn y Srta Solange Noordzij pa e presentacion y invitacion. Aruba ta den un periodo caminda cu mester uni forsa pa atende cu e problematicanan nacional sra Arends- Reyes ta termina bisando.
