Caso serio na Bubali
ORANJESTAD (AAN): Dialuna atardi den careda di 3:00 pm, diferente unidad di Polis, como tambe unidad di Brandweer y Ambulance a bay direccion Euroceramica situa na Bubali.
Pasobra yamadanan urgente a drenta, cu eynan un hoben di como 20 aña di edad, tabata yuda baha carga, y algo a bay robes.
Ta asina cu carga of algo basta pisa a cay riba e persona, lagando e persona seriamente herida.
Un total di tres unidad di Ambulance a presenta, entre nan e Rapid Responder. Nan tur a haci uzo di nan experticio pa asina stabiliza e victima. Despues di a prepara e victima ambulance a sali cu urgencia direccion Servicio di Emergencia na Hospital bao escolta di polis. Detayenan preciso no a ricibi, pero tur cos ta mustra cu e situacion di e trahado ta serio.
