Diaranson tabata Dia Internacional di Hubentud
ORANJESTAD (AAN): Diaranson dia 12 di Augustus 2026, a observa “Dia Internacional di Hubentud”. Specialmente pa esaki, Ministro di Deporte y Enseñanza, Gerlien Croes a duna un mensahe elocuente.
El a bisa cu riba Dia Internacional di Hubentud, e ta celebra e energia, creatividad, corahe, y vision di nos hobennan na Aruba.
Hobennan, boso bos ta valioso, boso ideanan ta importante, y boso futuro ta mi prioridad. Na tur cu ta traha cu of pa nos hobennan, danki pa boso tempo, creatividad, pasenshi y dedicacion.
Ban sigui habri porta y crea oportunidadnan pa nos hobennan. Paso ora hobennan participa pa Aruba, henter comunidad ta bay dilanti. Awe nos ta scucha nan pa nan por lidera den futuro.
