ORANJESTAD (AAN): E siman aki, e compania NV Elmar na forma contento a anuncia nan "partnership" cu Fundacion Chico Harms pa e temporada di Dia di Brazil 2023.
Manera ta conoci, esaki ta un temporada cu ta celebra e isla su cultura y folklore, marca bo calendario cu actividadnan cultural di 29 di Juli te cu 3 di September 2023.
NV Elmar ta hopi conoci pa apoya iniciativanan deportivo, como tambe inicitiativanan cultural y pa gruponan vulnerabel den nos programa di 'Corporate Social Responsibility'. Durante aña nos a sostene diferente iniciativanan cultural, manera Festival di Tumba di Carnaval, Competencia di Fli, Celebracion di San Juan y awor a yega e turno pa Parada Folklore Cultural.
E temporada ta consisti di diferente actividadnan, manera Festival Cantica di Caya, Coronacion di Reina y Parada cu Lanterna. Nos kier invita y encurasha henter Aruba pa asisti na e actividadnan aki pa nos engrandece y celebra e cultura di Aruba. Elmar ta spera di mira pueblo na e Parada Folklore Cultural.
