Pa sigui stimula talento local:
ORANJESTAD (AAN): Pa prome biaha, ELMAR ta orguyosamente participa como sponsor oficial di Aruba Soca Monarch cu un enfoke special riba e proximo generacion di artista: e rookies.
Aruba Soca Monarch ta celebra creatividad y expresion musical local, y ta un evento di gran importancia pa Aruba. Como un compania local, ELMAR ta reconoce e balor cultural y ta sigui compromete pa apoya iniciativanan cu ta fortalese comunidad na Aruba.
Como parti di e sponsorship, ELMAR ta presenta e Soca Monarch Rookie of the Year Award, un premio dedica pa reconoce y stimula talento nobo cu ta mustra potencial y pasion pa musica soca. Cu e premio aki, ELMAR ta duna rookies no solamente reconocemento, pero tambe motivacion pa sigui desaroya nan talento y futuro musical.
ELMAR kier expresa su gradicimento na Stichting Musica pa e oportunidad y colaboracion. Stichting Musica ta hunga un rol esencial den promocion y preservacion di nos musica local.
ELMAR ta desea tur rookies hopi exito cu e proximo competencia di Aruba Soca Monarch, y ta spera cu e evento lo sigui crece como un pilar cultural cu ta eleva musica y talento Arubano.
