ORANJESTAD (AAN): Durante e luna di october 2025, ELMAR a demostra su compromiso cu digitalisacion y inclusion digital na Aruba,
participando activamente den diferente iniciativa den comunidad. E enfoke principal tabata pa ofrece educacion, support y facilidad pa maneha energia y servicionan electrico pa tur edad.
Segundo Graduacion di Workshop Klik y Siña
ELMAR, den colaboracion cu YMCA San Nicolas y Sra. Jacqueline Woodley, a celebra e segundo grupo di adultonan mayor cu a completa exitosamente e workshop di 5 siman. E programa tabata enfoca riba: uzo basico di computer, browse internet, familiarisa cu ELMAR su e-Connect Customer Portal, e-Billing y pago online. ELMAR su representante nan a entrega certificaat pa reconoce e esfuerso y dedicacion di cada participantenan, stimulando confiansa den mundo digital.
Sesion Informativo “Digital cu ELMAR” na Centro di Bario Noord
Pa profundisa educacion digital, ELMAR a tene un sesion informativo pa e miembronan adulto mayor di Centro di Bario Noord, enfocando riba como compronde bo cobransa, e-Connect y e-Billing, pago online y tips pa spaar energia. E participantenan a ricibi guia practico pa maneha nan coriente mas facil y sigur, reforsando e accesibilidad di servicio digital pa adulto mayor.
Participacion den SETAR Digital Week
ELMAR a forma parti di SETAR Digital Week 2025, presentando e tema “Digital cu ELMAR” pa comunidad. Durante e presentacion, nan a enfatisa e innovacion digital pa demostra con ELMAR ta digitalisando. ELMAR ta gradici SETAR pa e invitacion pa forma parti di nan Digital Week 2025.
ELMAR ta compromete pa sigui digitalisa pa bo comodidad y pa aumenta participacion di comunidad den mundo digital, sin importa edad.
{gallery}ELMAR activo den comunidad Centro di Bario Noord, YMCA San Nicolas y SETAR Digital Week{/gallery}
