ORANJESTAD (AAN): Durante un recien sorteo di e wega di Mini Mega, casi Eldrid a gana e jackpot.
Pero e tabatin solamente 4 number bon, y tabata falta djis e megaball.
Pero toch asina mes el a gana di 2ndo premio. Pesey mes riba Diaranson el a acudi na oficina di Lotto na Playa pa reclama su premio.
Aki e funcionarionan di Lotto a revisa su ticket pa check si el a pone su firma parti patras, hunto cu e numbernan di su cuenta di banco. Ora cu a scan e barcode, e computer a confirma mesora cu Eldrid a gana 12.065 Florin como segundo premio.
Mesora a sigui cu e proceso pa transferi e premio electronicamente pa su cuenta di banco. Eldrid a indica cu e ticket ganador el a cumpra na Driemaster Lottery.
