ORANJESTAD (AAN): Un di e weganan di mas popular di Lotto ta sigui di ta Zodiac. Bo ta escoge un number consistiendo di cuatro cifra, y agrega un signo zodiacal y ya bo ta den wega.
Esey ta loke Eduviges a haci tambe, y el a gana. Pesey riba Dialuna el a acudi na oficina di Lotto na Playa pa reclama su premio. Aki a revisa mesora su ticket, y a scan e barcode. E computer di Lotto a indica mesora cu el a gana 30.000 Florin cu e wega di Zodiac Merdia.
Despues di esey mesora a cuminza cu e proceso pa transferi e premio electronicamente pa su cuenta di banco.
Eduviges a indica cu e ticket ganador el a cumpra na Bloemond Lotery.
