ORANJESTAD (AAN); E recien sorteo di Zodiac teni riba Diadomingo merdia, a produci e numbernan ganador 1112 y signo di Libra.
A resulta cu ta hopi hende a gana cu e combinacion di number aki.
Uno di nan ta Edmond, kende riba Diaranson a acudi na oficina di Lotto na Playa pa reclama su premio. Ora el a yega, mesora e funcionarionan a revisa si el a pone su firma na e parti patras di e ticket.
Ora cu nan a scan e barcode riba e ticket, e computer a confirma cu Edmond tambe a gana cu e numbernan 1112 Libra di Diadomingo. El a gana 12.500 Florin.
Mesora a sigui cu e proceso pa transferi e premio electronicamente pa su cuenta di banco. Edmond a indica cu e ticket ganador mes el a cumpra na Bo Skina di Suerte.
