ORANJESTAD (AAN): Un di e weganan di mas popular di Lotto, keto bay ta Zodiac.
Aki bo ta escoge un number consistiendo di cuatro cifra, y bo ta djis agrega un signo zodiacal na dje y ya bo ta den wega.
Esey ta exactamente loke Earl a haci, y el a gana tambe! Pesey riba Diaranson el a acudi na oficina di Lotto na Playa pa reclama su premio.
El a entrega su ticket ya caba firma na e empleadonan di Lotto, cu mesora a scan e barcode. E computer a confirma mesora cu Earl a gana e premio di 12.500 Florin cu Zodiac.
Asina a pasa pa e proceso pa transferi e premio electronicamente pa su cuenta di banco.
Earl a indica cu e ticket ganador el a cumpra na JR II Lottery and Snack.
