Riba un anochi friu, e anochi prome cu Pasco na aña 1914, durante prome guera mundial, soldatnan di ambos banda di e Frontera Oeste,
a tuma un tregua pa algo maraviyoso mientras cu e eco sin fin di cañon tabata causa miedo. Un soldat Aleman a cuminsa canta ‘Nochi di Paz’, y di biaha su tras, bosnan di otro banda a cuminsa canta tambe
Hombernan cu algun ora prome tabata tira riba otro, a uni den un momento cu a marca historia. Nan a intercambia cigaria y regalonan chikito, y hasta a scop bala hunto. Pa un momento cortico, guera a para. Humanidad, herida pero no kibra, a dal un stap dilanti. Un muestra grandi di algun ser humano cu a scoge conexion riba conflicto. E bunita storia aki a bay den historia como E Tregua di Pasco.
E les cu humanidad por siña di esaki ta: Te hasta den e condicionnan di mas dificil, paz ta posibel ora un persona tuma e prome stap. Conflicto ta termina e momento cu nos dicidi di wak otro como ser humano, y no oponentenan. Pasco ta recorda nos cu compasion no ta debilidad, e ta strategia, fortalesa, y sobrevivencia.
