ORANJESTAD (AAN): Diamars mainta durante un conferencia di prensa pafo di ImSan na San Nicolas,
dilanti un publico wardando cu yen pasenshi nan turno pa haya vacuna, a mira Prome Ministro Evelyn Wever-Croes un biaha mas subraya e importancia pa busca e vacuna of booster shot.
El a divulga cu e Mobile Unit aki tey pa duna hende sea e 1er Vacuna, of e 2ndo Dosis di Vacuna, of tambe e Booster Shot, si acaso bo ta bin na remarke.
Cu un sonrisa riba su cara, el a expresa cu entrante e siman aki, ya caba hendenan riba di 30 aña di edad na Aruba por bay busca nan Booster Shot.
Siman pasa e tabata pa gruponan di 40 aña bay ariba. E siman aki ta pa 30 aña bay ariba, y otro siman e lo baha un poco mas pa grupo di edad di 18 aña bay ariba.
Prome Ministro a keda impresiona cu e interes cu tin na San Nicolas pa e Mobile Unit cu ta duna Vacuna di 1er dosis, di 2ndo dosis, of e booster shot.
