Tanto na Brazil como Playa Pabao
ORANJESTAD (AAN): E sesionnan informativo ofreci pa Aruba Conservation Foundation (ACF) ta sigui e siman aki, cu “Naturalesa ta Papia”, y lo haci esey for di mangel pa coral.
Despues di un prome session exitoso, Naturalesa ta Papia tei atrobe cu un otro capitulo.
E biaha aki nos ta bay explora e mundo vibrante di rif di coral. E sistema ecologico akinan bou di awa ta mas cu solamente bunita, e ta importante pa Aruba su bida marino y proteccion costal.
Bin tuma parti di e di dos edicion di Encuentro di Conocemento, unda nos lo explora e importancia di rifnan di coral cu expertonan di ACF y ScubbleBubbles Foundation, participa den actividadnan interactivo, y discussionnan habri.
Prome lo ta Diamars 2 di Juli na Centro Di Bario Brazil. E di dos lo ta Diaranson 3 di Juli na Centro di Bario Playa Pabao.
Tur dos ta for di 6:45 pm te cu 8:45 pm. E participacion ta gratis pa tur hende di 13 aña bay ariba. Sinembargo bo tin di registra pa bo por ta presente. Pa registra bay na e website aki:
www.bit.ly/naturajuli
Asina bo por sigui scucha kico naturalesa tin di bisa.
