Nicky Habibe Jr.
Dia 6 di augustus 1936 Nicky Habibe Jr. ta cuminsa cu un tienda chikito (shap) di comestibles den Wilhelminastraat na unda antes tabata Tango bar. Esaki tabata ariba insistencia di su amigo Breenchi Arends cu tabata maneha e tienda pero a stop cu esaki y a sigui cu su “ hardware shop”. Na e mes un aña Nicky Habibe a cuminsa entrega comestibel na tankero nan chikito. E tienda tabata chikito pero tabata move bon.
Na aña 1943 e edificio den Nassaustraat ( awor Caya GF Croes) a keda cla y mesora ta cuminsa cu un sistema di semi servicio propio.
Na 1950 Nicky Habibe a cambia den un sistema completo di servicio propio. Bo mes ta cana cu bo garoshi den tienda y escohe bo productonan. Esaki tabata e comienso di e prome supermercado na Aruba y Antiyas.
Na 1967 Nicky Habibe a cuminsa cu su mes un carniceria, departamento di cos dushi y chuculati y a sigui di ta agencia di diferente productonan.
Tambe por bisa cu na 1946 Nicky a cumpra un fabrica di ijs di Sr. Ruiz y tabata bende ijs cu piscadornan Venezolano y Colombiano. E compleho di freezer, cooler y deposito a crece rond di e supermercado den diferente caya.
E supermercado mes a keda semper na final di Nassaustraat.
Na final di añanan 80 e supermercado ta cera y e edificio ta e unico testigo di e añanan di gloria di Nicky Habibe Jrs.
Na banda pariba a construi un plaza cu den boca di pueblo ta yama Plaza Nicky Habibe.
Compila pa Roberto Croes
Nos Historia Nos Herencia
