Dalgis Montalvo di SPD: --- ORANJESTAD (AAN): Sociaal Psychiatrische Dienst (SPD) ta un di e partnernan den cuido cu a firma un Memorandum of Understanding cu minister di Asuntonan Social Rocco Tjon Diabierna merdia y
esaki ta nifica cu diferente instancia ta bay por traha mihor hunto, den combatimento di adiccion y atende cu salud mental di hende.
Hopi biaha e dosnan aki ta bay hunto y pesey e acuerdo firma ta uno hopi importante.
Durante un conferencia di prensa, Dalgis Montalvo di SPD a indica cu traha hunto ta algo central pa SPD.
“No solamente ta importante pa firma riba papel, pero mester trece esaki den e veld y na final esun cu ta wordo beneficia ta nos comunidad”.
Pesey esaki ta un stap hopi grandi y esaki ta duna nos energia atrobe pa nos sigui cu e trabao cu nos ta bezig ta eherce y pa mehora esaki tambe, segun Montalvo.
