ORANJESTAD (AAN): Di un wega el a bira un tradicion cu pa un momento so den final di e luna di December ariba 31 di December e ta worde presenta cu e nomber ‘Big Hits’ cu ta produci pa e conocido Dj Kenny-O-Mix den su edicion number 24.
‘Big Hits 2021’ no ta un conteo di Top 100 sino mas bien un produccion compila cu alrededor di 100 exito of mas escogi den e generonan cu a resona na diferente radio emisora nan local, lounge, café’s of otro lugarnan di hangout den aña 2021.
Preparacion sigur ta algo mas di dos luna cu ta scoge e temanan di alrededor 3.000 y a filtra esaki na mas o menos 100 pa 125 tema pa bay den un playlist pa asina compone/aregla of ta revamp e tema nan segun nan Keynote y BBM (beats per minute) den un secuencia na unda cada tema ta haya su atencion.
Sigur cu den e produccion lo pasa bay tema nan manera di Justin Bieber, J Balvin, Ed Sheeran kende a score cu bastante hit e aña aki, sin laga afor genero nan nobo manera Dem Bow y Guaracha House.
E famoso introduccion/outroduccion cu ta garga e mix ta poëma nan cu ta inspira di loke ta pasa den e aña rond mundo. aña pasa e tema “When The World Stood Still” na unda cu un reina a tuma poder y a manda un plaga pa henter mundo según trancurso di aña 2020 pa 2021 e pandemia a sigui cu ola nan tras ola di contagio, pesey “The Endless Waves” pa 2021. E reina no a muri ainda y keto bay na poder. Na final di e mix tin un mensaje positivo den 2022 pa sana e spirito di pasado y trece cune e cambio di verdad cu nos ta warda ariba dje.
Primicia di e mix lo ta Diabierna 31 di December pa 12’or merdia, y lo repasa back pa 3’or di atardi, pa 6’or di atardi via Cool Fm 98.9 Aruba-Bonaire y pa esnan cu ta na Curaçao na Laser 101. E mix lo sigui resona durante e weekend di aña nobo.
