Giantcarlo Croes, Manager di Departamento di investigacion Banco Central:
ORANJESTAD (AAN) — Den entrevista cu Giantcarlo Croes, Manager di Departamento di Investigacion di Banco Central Aruba (BCA), el a comenta cu e mercado laboral ta hopi importante pa Banco Central y su analisis di Aruba su economia.
Pa BCA, informacion riba e mercado laboral ta forma un base pa su analisis economico y nan ta uza nan pa nan proyeccionnan economico.
Pues, BCA mester por tin un idea di cuanto hende por ta trahando, cuanto desempleo tin pa nan por bisa algo di Aruba su crecemento economico, y bisa algo di e poder di compra, y cuanto hende por consumi, dus pa eigenlijk analiza nos economia e ta un parti esencial. “Y tambe si nos mester duna conseho na Gobierno, e informacion aki ta hopi importante pa nos tin un bon bista riba nos mercado laboral”, Giantcarlo Croes a reitera.
El a agrega cu e cifranan no tin otro fuente completo di e mercado laboral, pues via LFS (Labor Force Survey) nos ta haya e lista mas completo, cu ta hopi esencial tambe.
“E informacion aki ta yuda nos cu nos rapportnan cu nos ta saca periodicamente; tur cuartal nos ta saca comunicacion di ‘states of economy”, dus, ora cu nos tin e cifranan di empleo, y desempleo, nos por uza esey pa amplia nos analisis y nos ta use tambe hopi de nos proyeccionnan economico, pues nos ‘economic outlook’, cu ta un comunicacion cu nos ta saca dos biaha pa aña, y den esey e ta hunga un rol hopi importante cu nos ta wak con e desaroyo, vooral, ta den hendenan cu ta emplea, pa wak kico, e ora ey, bo por verwacht cu hendenan na Aruba ta consumi, anto den esey e ta forma un parti di kico nos ta bay proyecta con nos crecemento economico, lo ta pa un par di aña”, Giantcarlo Croes, Manager di Departamento di Investigacion di BCA, a relata.
