E guera sushi pa destrui Evelyn Wever-Croes a marca 2021 --- *Huez a para intento di hamber pa poder destrui proceso electoral --- *Atake sushi ta prueba cu no tin arma limpi pa kibra logro di Evelyn
ORANJESTAD (AAN) — Analisando loke ta pasa na Aruba, nos por a keda directamente den ambiente di Pasco.
E tres Reynan cu a mira un strea cu a anuncia nan nacemento di Hesus, a bay puntra Herodes pa e adres di e “Rey nobo”. Herodos a bira loco ora el a tende di e menasa di un Rey nobo y a atende e asunto na su manera.
Tabata Herodes den su ansia pa poder, cu a laga mata muchanan inocente, causa drama na tur cas di Bethelhem, pa e por garantisa su poder.
Esaki a haci Herodes e simbolo di hende golos pa poder y destructor di tur loke ta stroba nan poder.
Kico ta pasa na Aruba? For di e momento cu Mike Eman a perde eleccion 2017 despues cu Hulanda a pone fin na abuso cu placa di Pueblo di Aruba, Mike Eman a bay sconde. El a retira di politica.
Evelyn Wever-Croes a acepta di dirigi e pais destrui cu Mike Eman a laga atras.
Evelyn Wever-Croes a duna prueba di su talento y capacidad pa scapa su pais.
Ora cu ayudo di Hulanda, e base pa un futuro nobo pa Aruba a wordo crea, Mike a bolbe den su prome agitacion contra Evelyn.
Protesta y manifestacion a start pero Mike no a logra. El a keda desaparece pasobra e no tabata tin suficiente curashi pa ni drenta Parlamento y sin duda e aircontioning den su Penthouse caminda e ta topa cu hende di Penthouse, ta mas dushi cu traha den Parlamento.
Evelyn a sigui cu e trabou den situacionnan sumamente dificil pasobra mester a kita yabi di refineria di Aruba for di e banda di Citgo cu a splica cu Nicolaas Maduro a manda holoshi Rolex y placa Aruba.
Evelyn hunto cu Hulanda mester a evita Aruba zink y tabata riba bon caminda ora Covid-19 a presenta.
Evelyn a atende cu Covid-19. Evelyn a duna Aruba prueba di bon gobernacion cu el a sigui dirigi.
Arubianonan a haya e proteccion y cuido cu nan tabata tin mester contra Covid-19 y hasta negoshi a haya placa pa Arubianonan no perde nan trabou.
Na man di Evelyn a cuminsa bandona crisis cu anuncia di dos compania Mericano tambe cu lo a drenta no solamente pa awa bira mas barata, pero pa haci Aruba centro pa destribui gas.
Organisacion oficial ta aplaudi Evelyn Wever-Croes, cu den exterior tambe ta ricibi aplauso y prueba di merito. Awe tin scaramouche atrobe cu Knops, pero Knops mes mester a admiti cu Evelyn tabata un bon gobernante.
Na eleccion Pueblo a baha Mike Eman como votegetter y a haci Evelyn votegetter.
Esaki ta e motibo cu mester destrui Evelyn den un sushedad cu no ta nada straño pa personanan cu sa di kico cierto politiconan ta capaz.
E scandalnan cu a manda miembronan di AVP prison, ta papia pa nan mes.
E forma cu Mike a laga oficina di Gobierno atras tabata un prueba adelanta di kico e ta haci si e no logra loke e kier.
Durante 2021 Aruba a bay eleccion. For di prome momento tabata bisto cu Mike no ta haya loke e kier.
Si Mike no ta capaz na dirigi un pais manera el a demostra cu e desaster cu el a crea pa Aruba, Mike ta profesional den destrui tur loke ta den su caminda pa for di e ambiente di Penthouse (e mundo desconoci di Mike) e haya loke e kier.
Na 2021 Mike a topa cu un Miguel Hose cu mester a base di atake y ta lubida ayera cu no a wordo lubida na Aruba.
Pasco ta topa un Aruba nunca bisto pasobra mester destrui Evelyn na e forma mas sushi cu ta existi pasobra mester baha Evelyn pa Mike of Miguel Hose por haci loke nan por haci.
Evelyn mester baha pa Aruba bolbe na e creacion di mas scandal di berguensa manera Fondo Desaroyo Nobo San Nicolas, Caso di Permiso, Caso di Tereno, Refineria di Aruba cu ta den estudio y mucho mas.
Evelyn ta stroba. Evelyn a trece Eagle y asina a cera porta pa loke tabata den wea na candela.
Herodes ta hari. E Tres Rey ta bandona Bethelhem na careda mientras muchnan ta muri pa Herodes keda na poder.
Na 2021 e pasashi mas tristo di Pasco a bira realidad di Aruba!
