Tanto Shirley Chisholm como Kamala Harris cu rais Caribense
*E importancia di e lider Mericano den sucesonan mundial
*Si Chisholm a logra e por a evita e escandalo di Watergate?
ORANJESTAD (AAN) — 8 di Maart 1976. Na Washington D.C. e lucha pa emancipacion di hende muhe ta wordo cu un encuentro special, na cual Shirley Chisholm a participa.
“Muhe ta e enemigo mas grandi di hende muhe,” tabata uno di e expresionnan cu el a lansa pa splica e motibo pa cual su esfuerzo pa bira Presidente di Merca a fracasa.
Shirley Chisholm no tabata e prome persona di sexo femenino, cu a lansa su mes como candidato den e proceso cu mester conduci na eleccion di e Presidente di Merca.
Na 1872, Victoria Woodhull a skirbi historia ora el a presenta su mes como candidato presidencial na Merca. El a perde pa sosten electoral loke a pone un punto tras di e ponencia di cierto expertonan legal cu a mustra cu e no tabata tin e edad minimo di 35 aña pa por a participa na eleccion.
Cu Shirley Chisholm un momento nobo a bati na porta di e posibilidad pa hende muher por participa na e lucha pa bira Presidente di e pais.
Un posibilidad cu a bira base di e lucha di diferente hende muhe, cu ta y a ambiciona e puesto di dirigente no solamente di Merca, pero tambe di mundo.
E lucha pa hende muhe participa activamente na tur loke ta regarda su pais, ta parti di un pakete di emancipacion cu na Siglo 20 a haya expresion maximo.
Interesante ta, cu Shirley Chisholm mescos cu ta e caso cu e actual Vice Presidente di Merca, Hamala Harris, ta di descendencia Caribense y a crece tambe cu pensamentonan cu no ta completamente subheto na influencianan historico Mericano.
Como mucha, Shirley Chisholm a biba un tempo na Barbados como yiu di un pareha cu origen Barbados y di Guayana.
Na 1968 el a bira e prome dama di color cu a wordo eligi na como miembro di Congreso Mericano.
Durante shete periodo di 1969 pa 1983, el a keda Miembro di Congreso.
Na 1972 el a bira e prome hende di color, cu a participa na e proceso electoral pa Presidencia di Merca como uno di e nominadonan pa partido Democrat.
E no a logra y Mc. Govern a gana e bataya pa perde contra Richard Nixon, cu a bira Presidente y asina a percura pa e scandal di Watergate.
Pa hopi tempo Shirley Chisholm a keda ehempel pa participacion na eleccion presidencial na Merca.
Un posicion cu a atrae tambe Hillary Clinton, esposa di Presidente Bill Clinton.
Hillary Clinton a bira Secretario di Estado durante gobernacion di Presidente Obama y a perde den e lucha Presidencial contra Donald Trump na 2016.
Elizabeth Warren a presenta su mes na e plataforma caminda el a perde di Joe Biden.
Interesante tabata e forma cu Elizabeth Warren kier a uni raza na sexo dor di no solamente reclama su derecho riba voto di e hende muhe, pero tambe di e Indiannan ya segun su reclamo e tabata descendiente di Indian. E asunto a yega asina leo cu mester a haci un DNA test, cu a proba cu 6 pa 10 generacion prome, e por tabata tin un familiar Indian.
Kamala Harris, cu tambe ta di origen Caribense y di India a participa hunto cu Joe Biden na e eleccionnan preliminar pa Presidencia pero a perde. Joe Biden,, sinembargo, a dicidi cu Kamala Harris lo a bira e prome Vice Presidente di sexo femenino.
Kico futuro lo trece? Prolongacion segun Joe Biden, cu kier lansa su mes como candidato presidencial atrobe.
Mientrastanto den e campo di candidatonan politico femenino na Merca, tin speransa cu e sexo femenino por haya mas participacion den e proceso cu mester culmina cu eleccion di un Presidente Mericano na 2024.
Mundo ta en espera na un momento, cu e ser femenino como Presidente Mericano, tin decisionnan importante pa mundo den su man.
Un hende muhe Presidente di Merca, automaticamente ta un dirigente mundial cu tur resultado cu esaki por encera.
