Oficina di Estadistica cu cifranan di October 2021
ORANJESTAD (AAN): E indice di “Cuminda & servicio di catering” a registra un subida di 0.3% na October 2021, despues di un subida di 0.5% na September 2021. E indice di “Cuminda na cas” (0.4%) a registra un subida, unda shete (7) di e diesun (11) indicenan di e gruponan di cuminda na cas a subi na October 2021. E indice di “Berdura” a conoce e subida di mas grandi (2.6%) na October 2021. E indicenan di “Batata, yuca y batata dushi” (1.3%), “Fruta” (1.1%), “Carni” (0.7%) y “Lechi, keshi y webo” (0.4%) tambe a registra subida.
E indice di “Azeta y otro productonan traha di vet” (-0.6%) a registra e caida di mas grandi na October 2021. Ademas, caidanan a wordo registra den e indicenan di “Pan y otro productonan di grano” (-0.5%), “Sucu, jam y otro tipo di cos dushi” (-0.2%) y “Restante productonan pa alimentacion” (-0.2%).
Den e ultimo diesdos (12) lunanan e indice di “Cuminda & servicio di catering” a subi cu 1.8%. E indice di “Cuminda na cas” a conoce un subida di 1.6%. E indice di “Azeta y otro productonan traha di vet” a subi cu 6.3%, e subida di mas grandi entre e gruponan di cuminda na cas, mientras cu e indice di “Berdura” a baha cu 2.7%, e caida di mas grandi entre e gruponan di cuminda na cas.
E indice di “Cuminda pafo di cas” a baha cu 0.1% na October 2021 y a registra un subida di 2.3% den e ultimo diesdos (12) lunanan.
Na October 2021, “Cuminda na cas” y “Cuminda pafo di cas” como grupo, tabata tin un subida di prijs di 0.3% compara cu September 2021 y hunto tabata tin un influencia di 0.04 ppt riba e CPI, mientras cu e restante bienes y servicio hunto a experencia un subida leve di prijs di 0.03% y tabata tin un efecto di 0.03 ppt riba e CPI.
