Dr. Jose Sprok ta elabora riba excelencia den cuido di salud:
ORANJESTAD (AAN): Aruba a logra un 'milestone' aňa pasa ora cu na juli 2023, ImSan a wordo acredita pa JCI (Joint Commission International), y asina keda na altura di e miho hospitalnan na mundo.
Den e ambito di cuido di salud, unda e riesgo ta halto y e margen pa eror ta chikito, e buskeda di excelencia ta fundamental. Hospitalnan na mundo ta bringa pa brinda e normanan mas halto di cuido na nan pashentnan, asegurando seguridad, calidad, y efectividad den cada intervencion medico.
Acreditacion di JCI ta sirbi como un marca di excelencia, indicando cu un hospital ta cumpli cu normanan internacional estricto. Den e articulo aki, Dr. Jose Mario Sprok ta profundisa riba e importancia di acreditacion di JCI pa hospitalnan y e diversidad di beneficio cu ta trece na entrega di cuidado di salud, manera ta pasando na ImSan.
Estableciendo e normanan: Kico ta acreditacion JCI?
Joint Commission International (JCI) ta un lider global den acreditacion di cuido di salud, reconoci pa su proceso di evaluacion riguroso y su compromiso pa mehora seguridad di pashentnan y calidad di cuidado.
Funda na 1994, JCI desde e tempo ey a bira un simbolo di excelencia den cuido di salud, acreditando miles di organisacionnan di salud den tur parti di mundo.
Pa gana acreditacion di JCI, hospitaalnan mester pasa door di un evaluacion extensivo di nan proceso clinico, practicanan di cuidado di pashent, y sistema organisacional. Normanan di JCI ta cubri un amplio rango di area, incluyendo seguridad di pashent, control di infeccion, maneho di medicamento, gobernanza, y liderazgo.
Hospitalnan cu ta busca acreditacion mester demontra cumplimento cu e normanan aki atraves di evaluacionnan rigoroso haci door di inspectornan di JCI.
E importancia di acreditacion JCI pa hospitalnan
1. Asegurando seguridad di pashent y calidad di cuido: Den curason di acreditacion di JCI tin un compromiso cu seguridad di pashent y calidad di cuido. Hospitalnan cu logra acreditacion di JCI ta demontra nan adhesion na normanan internacional cu ta dirigi na minimisa errornan medico, preveni infeccion, y promove practicanan clinico sigur.
Pa pashentnan, acreditacion di JCI ta duna e seguridad cu nan ta ricibi cuidado den un instalacion dedica na mantene e normanan mas halto di seguridad y calidad.
2. Reconocimento y reputacion global: Den un mundo cada vez mas conecta, unda pashentnan tin acceso na opcionnan di salud na otro paisnan, e importancia di reconocimento global no por wordo subestima.
Acreditacion di JCI ta sirbi como un marca universal di aprobacion, indicando na pashentnan, companianan di seguro y dokternan referente c'un hospital ta cumpli cu normanan reconoci internacionalmente.
Pa hospitalnan, acreditacion di JCI ta mehora nan reputacion y competencia den e mercado global di cuido di salud, atrayendo pashentnan cu ta busca cuido medico di calidad mundial.
3. Mehora continuo y practicanan excelente: Persigui acreditacion di JCI no ta solamente un esfuerso unico sino un caminda di mejora continuo. E proceso di acreditacion ta stimula hospitalnan pa evalua nan practicanan, identifica area pa mehora, y implementa strategianan basa riba evidencia pa optimisa cuido di pashent. Door di cumpli cu normanan di JCI, hospitalnan ta fomenta un cultura di miho calidad y innovacion, impulsando avancenan den entrega di cuido di salud.
4. Participacion di personal y desaroyo profesional: Acreditacion door di JCI ta envolve participacion di personal hospitaal di tur nivel, for di cuidonan di prome liňa te liderazgo superior. Miembronan di personal ta participa den sesionnan di entrenamento, tayer, y iniciativanan pa mehora calidad cu ta dirigi na alinea nan practicanan cu normanan di JCI.
E inversion den desaroyo di personal no solamente ta mehora calidad di cuidado di pashent pero tambe ta fomenta un sentido di responsabilidad y orguyo entre profesionalnan di cuido di salud.
5. Viabilidad financiero y diferenciacion den mercado: Den e panorama di cuido di salud di awe, unda sostenibilidad financiero ta un preocupacion apremiante pa hospitalnan, acreditacion di JCI por sirbi como un activo strategico.
Hospitalnan acredita por beneficia di aumento den cantidad di pashent, mientras pashentnan ta busca instalacionnan cu un historial comproba di calidad y seguridad. Ademas, acreditacion di JCI por ta un requisito pa participacion den rednan di e companianan di seguro y programanan di reembolso, asegurando viabilidad financiero pa hospitalnan acredita.
6. Comparacion y aprendizahe entre coleganan: Door di e proceso di acreditacion, hospitalnan tin e oportunidad pa compara nan rendimento cu normanan internacional y siňa di practicanan excelente adopta door di institutonan colega.
Colaborando cu otro hospitalnan acredita ta facilita compartimento di conocemento y intercambio di ideanan, impulsando mehora continuo den ecosistema di cuido di salud.
Pa conclui, acreditacion di JCI ta representa un marca di excelencia den cuido di salud, simbolizando e compromiso di un hospital pa seguridad di pashent, calidad di cuido, y mehora continuo.
E importancia di acreditacion di JCI ta extendi mas leu cu solamente cumplimento di e normanan; e ta encarna un filosofia di excelencia cu ta mehora cada aspecto di operacion di hospital.
Pa pashentnan, acreditacion di JCI ta ofrece trankilidad, sabiendo cu nan ta ricibi cuido den un instalacion manteniendo e normanan internacional mas halto. Pa hospitalnan, acreditacion di JCI ta sirbi como un catalisador pa mehora, impulsando innovacion y mehorando nan reputacion den e arena global di cuido di salud.
Mientras ta navega den e complehidadnan di cuido di salud moderno, e buscamento continuo di acreditacion di JCI ta keda un compromiso firme pa atencion centra den pashent. Esaki ta parti di e filosofía di ImSan pa e proximo aňanan, Dr. Jose Mario Sprok a indica.
