ORANJESTAD (AAN): Departamento di Salud a informa diamars cu Aruba ta hopi cerca di logra “Herd Immunity”, inmunidad colectivo (of di grupo).
E “HANGUA NACIONAL DI VACUNACION” ta marca 68%, loke ta demostra cu ta ariba bon caminda.
Cifranan ta indica cu 13,176 persona den e grupo di edad di 18-59 aña falta pa haya e prome dosis mientras cu 47,174 si a haya e prome dosis.
Den e grupo di 60+, un total di 20,318 a haya nan prome dosis y 3,482 falta ainda.
Ban sigui vacuna, pa nos por progresa y 'move on'!
Corda cu vacuna ta un acto di solidaridad y responsabilidad conhunto. NIUN por keda atras. Vacunacion lo trece comunidad hunto atrobe!
