Errol de Freitas, Presidente:
ORANJESTAD (AAN): Presidente di San Nicolas Business Association (SNBA) a duna di conoce durante un rueda di prensa diabierna mainta cu el a haci un peticion na Departamento Huridico di Gobierno y a pidi nan pa amplia locual ta e caso di Secrets Hotel.
El a agrega cu no por tuma algun bisiña den e bario pa stroba henter un proyecto cu tin in interes general pa e districto di San Nicolas. "Esey no por ta posibel. Mi ta laga esaki pa Secrets mes declara ora nan bini", a expresa.
Segun de Freitas, e ta spera cu no solamente gobierno, pero e ta mas interesa den e ciudadano y pa duna San Nicolas locual ta su prome hotel.
A sigui bisa cu nan ta den contacto constante cu gobierno y e contesta ta cu nan ta trahando riba dje. E ta kere cu loke gobierno, pueblo di pariba of Aruba mester preocupa p'e ta cu Secrets Hotel mester habri otro aña na fin di November pa asina por capta locual ta e 'season' di 2025 pa nan tambe cuminsa crece.
"Mas nos ta keda pospone y bisiñanan sa esaki, mas ta keda pospone esaki e ta yega un punto cu nan por gewoon entrega pasobra cu nan ta cumpliendo cabalmente. Nan tin hendenan cu ta pagando cu ta sinta. Tempo ta pasa anto si nan no por realisa y cuminsa traha nan no lo por habri loke ta nifica cu nan por trek terug. Si nan trek terug acaso, nos por tene e bisiñanan aantrekkelijk, ta e pregunta", a expresa.
Errol de Freitas a agrega cu nan ta motiva e bisiñanan y papiando cu nan, pero a yega un punto cu nan como asociacion por haci ta carga nan responsabilidad pasobra ya caba nan ta wordo tilda di complice y cu nan ta hayando cosnan bao di mesa.
El a remarca cu San Nicolas Business Association ta vrijwillege y segun nan statuut nan tin cu duna 10 ora na servicio di e organisacion aki. Ta trahando 20 pa ora riba esaki y no kier kita e focus. E focus ta e pueblo di pariba, e pueblo di Aruba y duna San Nicolas su prome hotel.
