Edwin Jacobs di SVB:
ORANJESTAD (AAN): Director di SVb, Edwin Jacobs, a duna di conoce cu e aña aki, e ley di edad di pensioen a yega 65 aña y el a stop. E ultimo 10 añanan e tabata subi tur aña cu mey aña, loke tabata pone cu e prome mita di aña niun hende tabata haya pensioen y den e di dos mita ta haya.
E aña aki el a yega na 65 y tambe tin e di dos mita di aña, e personal ta drenta. Tabata drenta mas o menos 900 pensionado y ta fayece rond di 700. "Bo archivo di pensionado ta subi cu 100", a indica.
Entrante 2025 ta bay drenta un promedio di 1700 pensionado pa aña. Esaki ta e grupo cu a nace den añanan 60. Si coy e proximo 5 añanan te na final di 2029, e cantidad di pensionado neto lo crece cu mas o menos 5 mil.
Esunnan nobo ta mas o menos 8 mil pa 8500. Pero aworaki ta fayece rond di 700 pa aña y pa e tempo ey lo muri 3500 y lo keda 8500 persona e proximo 5 añanan cu ta bay cu pensioen. Esaki ta nifica cu e grupo aki un 60% ta trahado y tin rond di 5 mil trahado cu lo por bandona trabao, a bisa.
A agrega cu Codigo Civil nobo ta permiti un persona pospone su pensioen. E por sigui traha te cu su 70 aña. Esey ta keda un reto grandi pa Aruba y for di 2010 Jacobs ta alerta comunidad ariba esaki. A logra pospone e ola pa cu pensioen door di aumenta edad.
Pero di aki padilanti e ola ta bin grandi te na mas o menos 2035-2036 na momento cu esnan cu a nace den añanan 70 ta cuminsa baha cu pensioen.
Loke tambe ta ripara aworaki cu e prome ola di migrantenan di final di añanan 80/90 ta yegando edad di pensioen cu ta algo mas cu 50% di esnan cu ta hayando pensioen aworaki cu ta personanan cu no a nace na Aruba, Jacobs a indica.
