Jurette Croes, Relacionista Publico DVG:
ORANJESTAD (AAN) – Den entrevista cu DIARIO, Relacionista Publico di Departamento di Salud Publico, Jurette Croes, a indica cu e personanan cu tin cu aplica pa ‘green card’, esta e carchi berde, DVG ta brinda asistencia pa yuda nan cu e proceso; pero, tambe Aruba Health App tin facebook page cu e persona por subi riba dje. Ademas tin un video amplio, pa splica con e por pasa den e proceso aki.
Den e caso di adulto mayor cu kier tin contacto cu su dokter di cas via e app, of kier wak ki remedi el a haya, of haci un cita tambe por download e app hunto cu su carchi di AZV y tambe por pidi nan yiunan of nieto cu tin mas experiencia cu e sistema digital, pa yuda nan den e proceso di registracion, cu manera el a menciona prome ta un tiki complica pa motibo di seguridad.
Pero un bes cu tin e down load e ta facil pa subi, click cu dokter di cas y wak loke ta necesario. Esaki ta den tur idioma uza na Aruba.
