ORANJESTAD (AAN): Departamento di Asuntonan Economico, Comercio y Industria mediante su unit Iniciativa pa Desaroyo di Empresa Arubano (IDEA),
cu sosten di Ministerio di Asuntonan Economico, Comunicacion y Desaroyo Sostenibel, sr. Geoffrey Wever, ta organizando durante 3 dia di e herfstvakantie 2024, un proyecto tocante, “Youth Entrepreneurship”.
E proyecto aki ta consisti di algun workshop diseña special pa hobennan entre e edad di 12 pa 17 aña. Durante e workshopnan aki e hobennan lo haya e habilidad, conocemento y mentalidad necesario pa ta un empresario exitoso den futuro.
Algun di e temanan y oradornan ta: (*) Crea conocemento di ‘Kico ta encera Entrepreneurship”, duna pa señora Sharon Meijer. (*) Topico tocante ‘Marketing, Branding & Public Relations’, duna pa señora Susanna Maduro. (*) ‘Inspirational & Motivational Speakers’ duna pa Karixon DJ/ Producer y tambe Jalken Antonia (Fundacion Ja Ik Aruba). (*) ‘Creative Entrepreneurship’, duna pa señora Sharina Gumbs/ (Art Coaching). (*) ‘Business Plan’, duna door di IDEA. (*) ‘How to Invest, Budget & Save’, duna pa señora Jenniffer Guzman di Bold Properties.
E lo wordo duna na Departamento di Asuntonan Economico, Comercio e industria na piso 2 di Sun Plaza Mall, riba dianan 7, 8, y 9 di October for di 8:15 am te cu 12:00 pm.
Entrada ta completamente gratis, y lo tin un pasaboca y juice.
E workshopnan aki ta representa un oportunidad valioso pa inverti den e futuro di nos hobennan. Nan lo ta ekipa cu e habilidad empresarial necesario pa por sigui innova y crece nos economia. Nos ta conta riba bo sosten pa haci e iniciativa aki un exito.
Pa por registra bo yiu pa participa, por manda inscribi via e website aki:
No tarda pa inscribi pasobra e cuponan ta limita.
