Segun cifranan di Dr. Horacio Oduber Hospital: --- *13 a muri na Colombia
ORANJESTAD (AAN): Segun un estudio realisa na Dr. Horacio Oduber Hospital (Comorbiditeit Covid-19 patiënten 4e golf) cu datonan di e lunanan di Juli te cu October 2021, cual ta relata na e di 4 ola di Covid-19, a keda constata cu e cifra di pashentnan interna cu Covid-19 tabata un total di 327 pashent, di cual 151 tabata hende muher y 176 hende homber.
Di 1 - 7 aña a presenta 5 caso, 3 mucha muher y 2 mucha homber. Di 8 pa 17 aña tabata tin 3 caso: 2 mucha muher y 1 mucha homber.
Den e gruponan di edad di 18 - 59 aña y di 60 - 79 aña ta hopi similar (wak grafico 1). Akinan por a constata cu den e grupo di 18-59 aña tabata tin un total di 143 pashent (67 hende muher y 76 hende homber).
Di 60 - 79 aña, un total di 147 pashent (62 hende muher y 85 hende homber).
E rango di edad ta di 0 - 99 aña. E edad averahe tabata 60 aña y e mediano di 62 aña. Algo mas di e mitad di e grupo ta di sexo masculino (53,8%) Wak grafico 1.
VACUNACION
E estado di vacunacion ta wordo solicita na e pashent na momento di ingresa y registra na Hospital. Un pashent tin un estado di vacunacion "si" si e pashent a wordo vacuna alomenos un biaha .
Di 82 hospitalisacion, e pashentnan a wordo vacuna, locual ta nifica un 25% di e total. 32 tabata hende muher y 50 hende homber.
Den 245 hospitalisacion (75%), e pashentnan no tabata vacuna. 119 tabata hende muher y 126 hende homber. (Wak grafico 2).
ICU: CAPACIDAD
Apesar di apoyo di Ministerio di Salud, e despliegue di e AMI-Artsen y di e mediconan y nursenan di e ICU, e capacidad den ICU durante e di 4 ola tabata reduci durante varios siman.
39 pashent mester a wordo intuba y traslada pa Colombia. Mientrastanto, 10 di e pashentnan aki a regresa Aruba "recupera".
FAYECIMENTONAN
Un total di 56 pashent a fayece durante nan hospitalisacion relaciona cu Covid-19: 29 hende muher y 27 hende homber (Wak grafico 3).
E grupo di edad cu mas fayecimento ta esun di 60-79 aña. 80% di e pashentnan cu a fayece tabata mayor di 60 aña.
Segun cifranan di Hospital, di e 56 pashentnan cu a muri, 43 pashent a muri na hospital y 13 na un hospital colombiano.
{gallery}Durante e di 4 ola di Covid na Aruba, 56 pashent a fayece{/gallery}
