Entrante 8 di maart --- *e tambe a entrega su carchi di acceso di Hospital
ORANJESTAD (AAN): Den un comunicado, Dr. T.F. Peterson a informa cu entrante 8 di maart, e ta stop di traha cu AZV y su aseguradonan. E comunicado di docter Peterson a indica cu pa motibo di presion, dr. T.F. Peterson a entrega su toelating di H.O.H.
Motibo di esaki ta cu H.O.H. y IVA kier a exigi cambio den e manera cu e ciruhanonan ta traha cu otro. Dr. Peterson a spera di por a sigui brinda servicio na aseguradonan di AZV na ImSan y su consultorio. Lastimamente no por a yega na un acuerdo mutuo cu AZV pa sigui brinda servicio na ImSan pa e aseguradonan di AZV.
Dr Peterson a dedica 27 aña na Aruba (y 21 aña cu AZV) como algemeen chirurg specialisa den cirugia di cancer, digestivo, vascular, traumatologia, endocrinologia, malesa di pecho y pediatrico, dr. T.F. Peterson lo sigui por lo pronto atende solamente pashent priva, pero el a agrega cu e lo explora opcion y posibilidad pa ofrece su amplio experticio den region/exterior.
