Marlon Croes, director DOW:
*Awa lo core den e superficie y drenta den e saliña
ORANJESTAD (AAN)—Director di D.O.W, Ing. Marlon Croes a comenta pa DIARIO, cu e proceso di drechamento di caminda den e area di hotelnan ta bayendo bon.
Tin un reto chikito cu un riool cu ta hopi bieu, y nan ta buscando e caminda unda e ta bay, pa soluciona esaki. Marlon Croes ta kere cu den un siman, nan lo tin’e bao di control, pa drech’e y sigui traha pa caba fase 2, cuminza cera y bay pa fase 3.
Croes a menciona cu nan ta satisfecho con e trabao ta bayendo pasobra tin un bon fundeshi, e ta halto y nan kier manten’e asina. Pa evita si tin yobida cu e turistanan tin cu cana riba awa, lo cambia e sistema di tal manera cu e awa lo core riba e superficie caba y drenta den e saliña. Lo no tin mas awa para entre Hilton Hotel y Riu Antillas. “Awo e ta colga pabao, nos ta bay colg’e pariba”, Marlon Croes a bisa.
El a reitera cu DOW ta bay haci intercambionan pa e awa drenta den saliña, di biaha.
