SANTO DOMINGO: E Cuerpo Specializa di Seguridad na Frontera a divulga cu Diamars nan a detene na e ciudad di Elias Piña,
dos muher Haitiano hunto cu un menor di edad, kendenan tabata kier a drenta Haiti cu 22.160 bala di municion na un forma ilegal.
Miembronan di e Cuerpo cu ta vigila frontera eynan cu Haiti, a detene e muhernan Milien Midrene Manessa, y tambe Fara Josef, abordo di un SUV blanco marca Lexus.
Den e vehiculo nan tabatin un total di 22.160 bala, entre nan 12.000 bala di caliber 7.62 milimeter, y 10.160 bala di caliber 5.56 milimeter.
E muhernan y e mucha a wordo traslada pa e Warda Principal, unda nan a bay listra e Lexus SUV. Aki a bin haya 5 smartphone, entre nan tres di marca Samsung y Apple iPhone. Tambe a haya suma di placa, esta 39.510 gourde (moneda di Haiti), tambe 1.100 Pesos Dominicano, y paspoort di un homber haitiano Yvanosky Joachim.
E homber Joachim aki ta vice-delegado di e pueblo Belladere, y aparentemente un di e muhernan deteni, Midrene Manessa ta su casa.
