Dialuna y Diamars venidero
ORANJESTAD (AAN): No ta djis Parlamentarionan, Sindicatonan, y hopi hende den comunidad ta preocupa cu e Rijkswet di HOFA, pero tambe gremionan di industria y comercio na Aruba.
Pesey mes, DIARIO a tuma nota cu tanto Asociacion ATIA y tambe Camara di Comercio lo tin Townhall Meeting otro siman riba e topico aki.
Di e forma aki, lo bay puntra esnan den e gremionan aki, kico nan pensamento ta di e Rijkswet HOFA y tambe e ley di LVWHO, esta Landsverordening Waarborging Houdbare Overheidsfinanciën.
Tur dos Townhall Meeting ta bira un dialogo habri riba e leynan aki, loke nan ta nifica pa e futuro economico di e isla, e sostenibilidad fiscal, y finanzas publico responsabel. Ministro di Finanzas y Asuntonan Economico lo ta presente.
NA ATIA: Na Asociacion ATIA, e Townhall Meeting lo bay ta Dialuna 25 di Mei 2026, for di 3:00 pm te cu 5:00 pm, den Sala di Conferencia di ATIA na Pedro Gallegostraat 6 na Dakota. Bo mester registra di antemano na: This email address is being protected from spambots. You need JavaScript enabled to view it.
NA KVK: Na Camara di Comercio, e Townhall Meeting lo bay ta Diamars 26 di Mei 2026, for di 1:00 pm te cu 3:00 pm. Esaki lo ta den auditorio di Camara di Comercio mes. Bo mester registra di antemano na e website aki:
E Townhall Meeting di KvK ta habri pa tur negoshi registra, y miembronan di Camara di Comercio di Aruba.
