Nos Santisima Birgen Maria
t’un gran ehempel di sufrimento
Su amor y dolor di Mama a bay hunto
p’E por a soporta shete spada di dolor
*Dolor cu lagrima
P’e profecia di Simon
ora di presenta Su yiu den tempel
*Dolor cu lagrima
ora El a huy pa Egipto cu Su yiu
pa matamento di esnan inocente
*Dolor cu lagrima
ora El a perde Su yiu
buscando E pa tres dia largo
*Dolor cu lagrima
ora E tabata wak Su yiu
cargando Su cruz
*Dolor cu lagrima
ora di mira e crucificacion
y agonia di Su yiu stima
*Dolor cu lagrima
ora e lansa a traspasa
e curason di Su yiu y a mat’E
*Dolor cu lagrima
ora a baha Su yiu for di cruz
E yiu cu a paga cu Su bida
pa rescata … Anos!
Marva J. Solagnier-Marquez
mei 2021
