ORANJESTAD (AAN): Manera ya tabata conoci, e contracto entre docter Eelco Veringa y AZV a termina conforme e peticion di docter Eelco Veringa.
Dialuna 18 di october ultimo, AZV a firma contracto cu dokter di cas Geraldine Croes. Docter Geraldine Croes ta e prome docter di cas registra den AruBIG cu awor a keda contracta door di AZV.
Inicialmente AZV a anuncia cu docter Geraldine Croes lo a start su servicionan diahuebs 21 di october na Trompstraat 19. Sin embargo pa motibonan logistico -fuera di su alcance- e meta ta pa cuminsa entrante dialuna 25 di october.
E asegurado cu actualmente ta inscribi cerca dokter Eelco Veringa no tin nodi haci cambio di dokter di cas. Den caso cu e asegurado tin mester di cuido medico (urgente), entre tanto por sigui haci uzo di e servicio den oranan di atardi di Docter di Cas na Warda Pariba (San Nicolas) of e Docter di Cas na Warda Pabou (Huisartsenpost na Dokter Horacio Oduber Hospital).
Por haya e informacion di Dokter di Cas Na Warda riba www.azv.aw den e bloki ‘Na Warda’ of den e AZV app bou di Menu →scoge Dunadonan di Cuido → Na Warda →Scoge Dokter Na Warda.
