Directora di Tienda di Educacion Romely Flanegin:
ORANJESTAD (AAN) – Señora Romely Flanegin, director di Tienda di Educacion, a reitera den entrevista cu DIARIO, cu ta maestro ta un berdadero reto awendia. Tin maestranan cu tambe ta trece dilanti cu ta hopi dificil pa ta maestro awendia, pasobra ta bin acerca hopi mas aspecto fuera di duna les, sea problema di comportacion, of diagnosis manera autismo, entre otro, y asina otro cosnan cu mester tene cuenta cu ne, fuera di e parti didactico, e aspecto di siñamento.
P’esey Tienda di Educacion ta purba ekipa docentenan pa implementa cosnan nobo cu por yuda den e area di nan trabao. Nan tempo di trabao tambe ta bira menos, si nan ta ekipa pa nan brinda e muchanan locual nan mester y cu e alumnonan tambe por saca beneficio di esakinan tambe.
Tienda di Educacion a conta cu un grupo varia durante e conferencia, tabata tin docente, personal di Bureau Traimerdia, entre otro, y e idea ta pa esaki ta un conferencia piloto cu nan ta bay wak con e ta bay. Nan a haci un encuesta chikito tambe, pa wak kico ta e interes y necesidad d e docentenan, anto e intencion ta pa otro aña organize atrobe. Asina señora Flanegin a menciona.
