ORANJESTAD (AAN): Recien a tuma lugar eleccion pa asina forma un directiva nobo pa Indian Association of Aruba.
Esaki a bay den forma positivo, y e directiva nobo sigur lo uni diverso habilidadnan, y tambe experiencia. Nan ta dedica pa promove desaroyo den comunidad, y promove actividadnan cultural riba e isla.
Como president a keda eligi Sr. Gopal Sawilani. Vice-President a bira Sr. K.P. Dodia. Secretario ta Sra. Neha Dodia. Vice-Secretario ta Sr. Prakash Gupta.
Tesorero a bira Sr. Henry Sadarangani. Vice-Tesorero ta Sr. Naresh Kanal.
Ademas di esey, e siguiente directornan lo bay observa diferente iniciativa. Sra. Karina Daryanani lo ta Director di Community Building & Empowerment. Sra. Shina Tilokani ta Director di Cultural Events.
Den Directiva tambe tin Sr. Nilang Shah, Sr. Jagdish Daryanani, y Sr. Anoop Motwani como directornan, kendenan lo sostene varios aspecto di e programa y actividad di e Asociacion.
Indian Association of Aruba ta spera di por traha cu comunidad pa reforza e lazonan y mehora comprondemento cultural. DIARIO ta desea e directiva nobo, hopi exito y sabiduria.
