ORANJESTAD (AAN): Digicel ta solidario cu pueblo di Ucrania y nan famia na otro partinan di mundo,
esaki mes ta motibo pa cual Digicel ta ofrece yamada y SMS gratis na tur cliente den Caribe y Centroamerica pa Ucrania, esaki ta conta pa Aruba tambe.
E acto di solidaridad aki a keda activa siman pasa. Roeland van der Hoeven, CEO di Digicel pa islanan ABC a declara riba esaki: “Nos sa con importante e ta pa bo keda conecta cu famia y amigonan, aun mas den e tempo cu nos ta bibando. Nos kier encurasha tur hende pa tuma contacto cu nan famianan na Ucrania y laga nan sa cu nan no ta nan so y cu henter mundo ta cu nan.”
