ORANJESTAD (AAN): E cantidad grandi di awacero cu ta cay combina cu biento duro por causa hopi daño na e infrastructura di N.V. ELMAR.
E suelo ta satura y bira moli cual por causa cu pal’i luz por kenter of hasta cay. Esaki ta totalmente fuera di nan control. Ademas e yobida aki ta causa cu e matanan ta bira mas pisa y por kenter of cai riba nos liñanan cu consecuencia cu esakinan por laga los y causa daño.
Pa casonan cu a tuma lugar dialuna y diamars, N.V. ELMAR y su tecniconan tin e debido atencion riba e incidentenan cu a surgi.
Ta pidi pueblo pa ta cauteloso y tene distancia si mira cu un situacion similar.
Mester menciona tambe cu pa motibo di e awaceronan pisa algun bario a keda sin suministro di coriente, entre nan Palm Beach y vecindario. Mescos a sosode cu e servicio di cable y internet.
Pa cualkier eventualidad por yama N.V. ELMAR na 523-7100 y/of Storingsdienst na 5237147.
