ORANJESTAD (AAN): Mundialmente lo bay observa e ‘World Stroke Day’ riba Diadomingo venidero, esta 29 di October 2023.
Relaciona cu esaki, Fundacion CVA Aruba lo organisa Diasabra 28 di October un Simposio di Stroke. Esaki lo ta for di 8:00 am te cu 2:00 pm na Theresita Center na San Nicolas, cu ta situa den Bernhardstraat 125.
Lo bay tin un costo asocia cu e Simposio aki.
E mainta lo cuminza pa 8:00 am cu Registracion. Pa 8:30 am lo bay tin e apertura, y pa 8:40 am e prome lectura duna pa Dr. Dave Lacle titula “Stroke”.
Pa 9:10 am, lo sigui e lectura di Dr. Maria Cobos titula “Hypertension”. Pa 9:40 am lo tin chens di haci pregunta nan ambos, sigui pa un pausa.
Pa 10:15 am, Charlene Leslie lo duna lectura titula “Nutrition”. Pa 10:45 am, Solange Eckmeyer lo papia di “Movement”. Pa 11:15 am, Dr. Roberto Weiser (Neurologo na HOH) lo papia di “Stroke Protocol”. Pa 11:45 am lo tin chens pa haci pregunta, sigui pa un pausa cu un almuerzo liviano.
Pa 12:30 pm lo tin Dr. Alexandros Valassidis (Revalidatie Arts HOH) cu lo papia di “Protocol Rehabilitation”. Pa 1:00 pm, Nannelle Croes y un huesped lo papia di “Hope after Stroke”. E evento lo finalisa pa 2:00 pm.
