ORANJESTAD (AAN): Cu fondo di CEDE Aruba, awor Fundacion Aruba Mindfulness Institute (AMI) por realisa su mision:
“Pa fortalece e bienestar y resiliencia di henter e comunidad, por medio di educacion accesibel y eventonan conciente pa tur hende.”
E lema di AMI ta “Cada mente trankil ta un simia di bienestar den comunidad”.
‘AMI den Bario’ ta un actividad diseña pa experiencia y explora bienestar na diferente nivel. Aki ta papia di: (1) Educativo: cu un tayer educativo y insopiracional. (2) Experiencial: cu ehercicio di relahamento y reflexion. (3) Social: Cu intercambio y actividad creativo hunto. (4) Musical: cu musica bibo dedica na e tema. (5) Culinario: un sopi y juice natural traha pa Mondi Replica cu cosecha local.
Fundacion AMI ta invita un y tur pa participa riba Diasabra 18 di April di 10:00 am pa 12:00 pm, na Centro di Bario Savaneta.
AMI tambe tin colaboracion cu Shoco Wellness di Universidad di Aruba y ta ofrece un tayer gratis di mindfulness, 'Mindful Beginnings' riba Dialuna Mei 4 y Juni 1 di 7:00 pm pa 8:00 pm den e Maria Convent Chapel. Den e tayer aki participantenan ta haya guia pa haci ehercicio di atencion, reflexion y pone meta conciente pa e luna siguiente.
Pa participa na e actividadnan por registra riba website di Aruba Mindfulness Institute, www.ami.aw
