ORANJESTAD (AAN): Diaranson awor, 20 di october, lo tin otro Rosario Bibo na kapel di Alto Vista pa 7 or y mey di anochi.
Comision organizado ta invita hoben y adulto pa asisti pa resa hunto pa bienestar di nos isla.
Lo resa pa e bienestar material, esta pa tur hende por tin trabao y medionan financiero suficiente pa cuminda di tur dia y loke ta necesario. Tambe lo resa pa den cada cas di famia lo tin paz y harmonia pa nos por tin mayornan y yiunan cu ta stima otro.
Lo resa tambe pa tur enfermo, nos hobennan, nos grandinan y tur hende cu ta den un of otro necesidad di atencion spiritual.
Hunto lo pidi pa medio di intercesion di Birgen di Alto Vista pa nos isla keda semper bendiciona y libra di tur maldad.
