ORANJESTAD (AAN): Diaranson dia 6 di April ta wordo observa, e Dia Mundial di Actividad Fisico. E ta ser yama oficialmente “World Day for Physical Activity”.
Pero Nacionnan Uni ta yame oficialmente como “The International Day of Sport for Development and Peace” (IDSDP), y e ta un actividad cu ta tuma lugar anualmente riba 6 di April, y ta presenta un oportunidad pa reconoce e rol positivo cu Deporte y Actividad Fisico ta nifica den comunidadnan y den bida di tur hende rond mundo.
IBiSA na Aruba tambe ta cla pa e dia aki! Nan a hasta traha un video promocional “Move Pa Biba”, cu ta contene mensahe di e.o. e landado Jaydon Croes, e atleta di triathlon Amadée Nicolaas, landado Mikel Schreuders, basebolista Randolf Oduber, y windsurfer Sarah-Quita Offringa.
Nan mensahe ta, cu pa Dia Mundial di Actividad Fisico cu ta dia 6 di April, nan kier reta bo organizacion deportivo, compania, scolnan y abo mes pa bin cu ideanan creativo pa yuda hiba e mensahe tocante e importancia di haci deporte y actividad fisico. Comparti bo potret- y videonan riba Facebook y Instagram y usa e hashtag #movepabida
