ORANJESTAD (AAN): Dialuna venidero, esta fecha 27 di mei 2024, desde 9:00 am,
DOW lo bay cera e caya Van de Veen Zeppenfeldtstraat pa cuminza cu e Fase 2 di e proyecto di Revitalisacion di Mainstreet San Nicolas.
E trabaonan lo tuma lugar entre e negoshi di White Star pa Charlie’s Bar, y tambe Paulus Potterstraat.
DOW a splica cu proyecto di Fase 2 aki lo bay dura 50 dia di trabao.
DOW ta pidi tur peaton y automobilista, pa tene cuenta cu e trabaonan cu lo bay tuma lugar. Tambe ta pidi comprension di tur chauffeur, negoshi, y demas hendenan cu ta usa e cayanan aki, pa nan tene cuenta y ta na altura cu e trabaonan por ocasiona cualkier inconveniencia.
A ser splica cu e ruta di desviacion lo ser indica cu borchi y baricada di aviso.
